Сургуулийн гүний худгийн уснаас гэдэсний бүлгийн нян илэрчээ

rpq3k

НМХГ-аас ХУД-ийн 14-р хороонд байрлах сургууль, цэцэрлэгийн цогцолборын гүний худгийн хангамжийн системийн усанд шинжилгээ хийлээ.

Шинжилгээгээр гэдэсний бүлгийн нян илэрсэн бөгөөд бичил биетний тоо стандартад заасан хэмжээнээс 2.1 дахин их гарсан байна. Иймд зөрчлийн хэрэг нээж, усан хангамжийн үйл ажиллагааг зогсоожээ. Одоогоор зөрчил шалган шийдвэрлэх ажиллагаа үргэлжилж байна.

Сүүлийн үед сурагчдын үдийн цай, ундны уснаас гэдэсний бүлгийн нян илэрсэн хэд хэдэн тохиолдол бүртгэгдээд байна. Тухайлбал, Уудам Монгол сургуулийн 22 хүүхдэд хоолны хордлогод орсон бөгөөд сурагчдын үдийн хоолноос бүлгийн нян буюу энтеробактер илэрсэн юм.

Мөн 84-р сургуулийн үдийн цайны таргийг барилгын материалын саванд зөөвөрлөж байсан ба таргийг лабораторийн шинжилгээнд хамруулахад гэдэсний халдвар үүсгэгч энтеробактер илэрсэн байна.

Гэдэсний бүлгийн нянгаар бохирдсон хоол хүнс нь хүний бие организмд ходоод гэдэсний хямрал буюу бөөлжих, гүйлгэж суулгах зэрэг сөрөг нөлөө үзүүлдэг юм.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.