Иргэн Ц.Пүрэвдоржийг эрүүдэн шүүсэн гэх цагдааг шалгаж байна

7019

Өчигдөр иргэн Ц.Пүрэвдорж нь цагдаагийн байгууллагын ажилтан эрх ашигийг нь ноцтой зөрчсөн талаар хэвлэлийнхэнд хандсан юм. Тодруулбал  Ц.Пүрэвдоржийг өнгөрсөн 10 дугаар сард Баянзүрх дүүргийн цагдаагийн хэлтэсээс залилангаар эрүүгийн хэрэг үүсгэсэн хэмээн саатуулж, мэдүүлэг авсан байна. Ингэхдээ тус цагдаагийн хэлтсийн хошууч Б иргэн Ц.Пүрэвдоржийг өмнөө сөхрүүлэн суулгаж, хэрэг хийсэн гэх бичигт гарын үсэг зурахыг хүчээр тулгасан хэмээн хэвлэлийнхэнд хэлсэн юм.

Түүнчлэн Ц.Пүрэвдорж нь бизнесийн шугамаар хамтран ажилласан хүнтэйгээ хоёр сая төгрөгийн маргаан үүссэн бөгөөд уг асуудал нь өдгөө залилангийн хэрэг болон хувирсан. Хоёр сая төгрөгийн маргаан өдгөө тус бүр зургаан сая төгрөгийн хохиролтой дөрвөн бичигт гарын үсэг зуруулснаар  эрүүгийн хэрэг үүсгэж дарамталж эхэлснийг тэрбээр мэдээлсэн.

Тэгвэл зарим нэг мэдээллийн хэрэгслээр мэдээлснээр иргэн  Ц.Пүрэвдорж 6 сая төгрөг зээлээд өгөөгүйн улмаас Дархан-Уул аймаг дахь сум дундын Иргэний хэргийн анхан шатны шvvхийн 2019 оны дугаар тоот шийдвэрээр эрэн сурвалжлагдаж байгаа аж.

Иргэн Ц.Пүрэвдоржийг дарамталсан гэх БЗД-ийн Цагдаагийн албан хаагч “Б”-г мөн эрүүдэн шүүсэн эсэх талаар шалгалж байгаа юм байна.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.