“Twitter”-т ажиллаж байсан хүмүүсийг тагнуулын хэрэгт буруутгажээ

5dc38584c4e01ВАШИНГТОН. /BBC/. АНУ-ын “Twitter” нийгмийн сүлжээний компанид ажиллаж байсан хоёр хүнийг Саудын Арабын талд тагнуул хийсэн хэмээн АНУ-ын шүүх буруутгасан байна.

Тэдгээр ажилтныг Саудын Арабын тагнуулын ажилтнуудад тус улсыг шүүмжлэгчид болон “Twitter”-ийн бусад хэрэглэгчийн хувийн мэдээллийг өгсөн хэмээн буруутгажээ. “Washington Post” сонины нийтэлсэн шүүхийн мэдэгдэлд дурдсанаар, АНУ-ын иргэн Ахмад Абуаммо, Саудын Арабын иргэн Али Альзабара нарыг ийнхүү буруутгасан ажээ.

Мөн Саудын Арабын өөр нэгэн иргэн болох Ахмед Амлутайриг “Twitter”-ийн ажилтнууд болон Саудын Арабын төлөөлөгчдийн хооронд зуучийн үүрэг гүйцэтгэсэн хэмээн буруутгасан байна. А.Абуаммо, А.Альзабара нарыг Саудын Арабад байгаа хэмээн таамаглаж байгаа бөгөөд “Twitter”-т инженерээр ажиллаж байсан А.Альзабараг 2015 онд 6000 гаруй хэрэглэгчийн хувийн мэдээллийг олж авсан хэмээн буруутгажээ.

Монцамэ агентлаг


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.