Дэлхийн аварга хоёроор нэмэгдлээ

75250898_538577753599888_5017890023689682944_n_bСамбо бөхийн 43 дахь удаагийн Дэлхийн аварга шалгаруулах тэмцээн БНСУ-ын Чёнжү хотноо өчигдөр өндөрлөлөө. Хэзээнээс дэлхийн шилдэг багийн тоонд багтаж ирсэн Монгол Улс энэ удаа бүх жинд бөхчүүдээ илгээж, нийт 11 медаль хүртсэн төдийгүй эрэгтэй багийн дүнгээр хоёрдугаар байрт шалгарчээ.

Эрэгтэйчүүдийн 68 кг-д Д.Алтансүх, +100 кг-д Д.Пүрэвдорж нар торолгүй түрүүлж төрийн дууллаа Солонгосын хойгт эгшиглүүлэв.

 Харин байлдааны самбын 90 кг-д Б.Тэнгис мөнгөн медалиар энгэрээ мялааж өөр найман бөх ДАШТ-ий хүрэл медаль зүүсэн байна. Үүнд: эрэгтэй 57 кг-д Ч.Марал-Эрдэнэ, 74 кг-д Н.Хадбаатар, -100 кг-д Б.Серик, эмэгтэй 68 кг-д Ц.Батцэцэг, байлдааны самбын 52 кг-д Г.Ганбаяр, 57 кг-д Н.Тогтохбаяр, 74 кг-д Н.Отгонбаатар, -100 кг-д Т.Ариунболд нар. Дэлхийн аварга цол хүртсэн бөхчүүд тус бүр 3000, дэд аваргууд 2000, хүрэл медальтнууд 1500 ам.долларын шагнал хүртжээ.

Ш.Баяр


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.