Монгол Улс 130 оронтой татварын мэдээлэл солилцоно

5dcb99f91ec53 УИХ-ын Эдийн засгийн байнгын хорооны өнөөдрийн хуралдаанаар Эдийн засгийн хамтын ажиллагаа, хөгжлийн байгууллагын “Татварын асуудлаар захиргааны туслалцаа харилцан үзүүлэх тухай олон талт конвенц”-д нэгдэн орох тухай гэрээний төслийг зөвшилцөв.

Улс орнууд татварын асуудлаар мэдээлэл солилцох, татварын өр барагдуулахад туслах, татварын баримт бичиг хүргүүлэх харилцааг зохицуулахад чиглэсэн зургаан бүлэг, 32 заалттай уг конвенцид нэгдсэнээр дэлхийн 130 оронтой мэдээлэл солилцох боломж бүрдэх юм. Конвенцид нэгдэхийн тулд Монгол Улсын Засгийн газраас Эдийн засгийн хамтын ажиллагаа хөгжлийн байгууллага болон Европын холбооны шаардлагуудыг тусгасан Татварын хуулийг УИХ-д өргөн мэдүүлж, батлуулсан гэдгийг ХНХ-ын сайд С.Чинзориг хуралдаанд танилцуулав.

“Татварын асуудлаар захиргааны туслалцаа харилцан үзүүлэх тухай олон талт конвенц”-д нэгдэхийг хуралдаанд оролцосон гишүүдийн олонх дэмжиж, санал, дүгнэлтээ Аюулгүй байдал, гадаад бодлогын байнгын хороонд хүргүүлэхээр тогтлоо. Уг асуудлыг өнөөдөр Аюулгүй байдал, гадаад бодлогын байнгын хороо хэлэлцэж, УИХ-ын чуулганы нэгдсэн хуралдаанаар эцэслэх юм.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.