Ц.Нямдорж: “Оюутолгой”-н зогсоож болохгүй

7214

“Оюутолгой”-н гэрээг цуцлах асуудал сүүлийн үед яригдаж байгаа. Энэхүү гэрээтэй холбоотой цаг үеийн асуудлаар Хууль зүй, дотоод хэргийн сайд Ц.Нямдорж байр сууриа илэрхийлж, сэтгүүлчдийн асуултанд хариуллаа.

Тэрбээр “Миний байр суурь бол энэ төсөл цааш үргэлжлэх ёстой гэх хатуу байр суурьтай байдаг. 2009 онд Монгол Улс тэр чигээрээ хөдлөөд энэ хөрөнгө оруулалтын гэрээг баталсан. Би хамгаалж байгаа нь үнэн.  2009 онд УИХ “Оюутолгой”-н талаар шийдвэр гаргаад Засгийн газарт үүрэг өгсөн. Тэр үед С.Баяр Ерөнхий сайд байсан.  Энэ гэрээ бол Монгол  оронд барууны орнуудын хөрөнгө оруулалт хийгдэж байгаа, урьд өмнө хийгдэж байгаагүй, ирээдүйд үргэлжлэх анхны гэрээ. Энэ зөвхөн үйлдвэр биш улсын аюулгүй байдал, гадаад харилцаа гээд олон үр дагавартай гэрээ. Гэрээ байгуулагдаад 10 жил болж байна. Одоогийн байдлаар 9 орчим тэрбум ам.долларын хөрөнгө оруулалт хийгдсэн. Монгол Улсын ДНБ-ий жилийн орлогоос давах хэмжээний хөрөнгө оруулалт хийгдсэн.

Эзгүй талд Монголын талаас нэг ч төгрөг гаргалгүйгээ уурхай боссон. Далд уурхайн ажил одоо ид явагдаж байгаа. Далд уурхай гэдэг 1300-1500 км-ийн гүнд хийгдэж байгаа бүхэл бүтэн хот гэсэн үг. Үүнд “Рио тинто” болон түүнийг дагасан компани , Дубайн гэрээгээр  15 банкуудаас хөрөнгө оруулалт хийгдсэн. Хамгийн сүүлийн үедийн мэдээгээр тэнд 15 мянган хүн ажиллаж, 95 хувь нь монголчууд байгаа. Энэ төслийн хүрээнд 20-иод мянган аж ахуйн нэгж хөрөнгө оруулалт хийж байгаа.

Би шулуухан хэлчихье аюулгүйн зөвлөлийн гишүүд миний ярьж байгаатай ижил саналтай байгаа. Энэ төслийг зогсоож болохгүй” гэв.


URL:

Нэр: tumur Огноо: 20 November 2019

новш

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.