Монголчууд Дэлхийн шилдэг боллоо

Олон Улсын залуучуудын байгууллага болох JCI байгууллага нь дэлхийн 115 оронд 5000 гаруй салбар байгууллагатай бөгөөд дэлхий өнцөг булан бүрт жил бүр нийгэмд эерэг өөрчлөлтийг бүтээж, тогтвортой хөгжлийн зорилтуудыг хангахад чиглэсэн 20,000 гаруй төсөл хөтөлбөрүүд хэрэгжүүлдэг байна.

7276

JCI байгууллага нь жил бүр шилдэг төсөл, хөтөлбөрүүдээ шалгаруулдаг бөгөөд 2019 оны 11 сарын 04-нөөс 08-ны өдрүүдэд Эстони улсын нийслэл Таллин хотод зохион байгуулагдсан JCI байгууллагын дэлхийн чуулганаар дэлхий даяар хэрэгжиж буй 20,000 гаруй төсөл хөтөлбөрүүдээс “ШИЛДГИЙН ШИЛДЭГ ӨСӨЛТ ХӨГЖЛИЙН ХӨТӨЛБӨР”-өөр JCI Монгол байгууллагын “JCI МОНГОЛ АКАДЕМИ” шалгарсан юм.

JCI Монгол Академи нь сургагч багш нарийг бэлтгэн гишүүд болон сонирхогч залуучуудын сургалтын хэрэгцээг хангах, олон улсын шилдэг сургагч багш нарын сургалтуудыг эх орондоо авчрах болон орон нутгийн залуучуудад чиглэсэн сургалт, хөтөлбөрүүдийг зохион байгуулах, дэлхийн бусад орнуудад Монгол багш нарынхаа чадварыг таниулсан сургалтууд зохион байгуулах гэх мэт дотоод, гадаадад чиглэсэн үйл ажиллагааг явуулдаг юм.

2019 онд 6,032 хүнд 529 цагийн 207 сургалтыг зохион байгуулсан бөгөөд Солонгос, Мавритус, Нигер, Тайланд, Латви, Эстони зэрэг улсуудад жишиг сургалт орж, Монгол Улсаа сурталчлан таниуллаа.

JCI Монгол байгууллагын 2019 оны Үндэсний ерөнхийлөгч Г.Мөнх-Эрдэнэ манлайлагчдын манлайлагч болох дэлхийн 115 орны үндэсний Ерөнхийлөгчдөөс “Шилдгийн шилдэг гурван Үндэсний ерөнхийлөгч”- ийн нэгээр шалгарсан бол тус байгууллагын Ерөнхий нарийн бичгийн дарга С.Мөнхдэлгэр нь Aзи номхон далайн бүсийн 75,000 гаруй гишүүдээс “Шилдгийн шилдэг гишүүн”, дэлхийн JCI байгууллагын 150,000 гаруй гишүүдээс “Шилдэг гурван гишүүн”- ий нэгээр шалгарч, Монгол залуучуудын чадварыг дэлхийн түвшинд таниулан, түүхэн амжилт гаргалаа.

JCI Монгол байгууллага 2019 онд НҮБ-ийн Тогтвортой хөгжлийн зорилгод чиглэсэн 74 төсөл хөтөлбөр хэрэгжүүлсэнээс Хүний эрүүл мэндийн халдашгүй байдлын эсрэг гэмт хэргийн гаралтыг бууруулах, залуучуудыг эерэг хандлагад уриалах зорилгоор хэрэгжүүлж, гэмт хэргийн гаралтыг 26 хувиар бууруулсан “НЭГ ХОРОМ” төсөл, Монгол улсын эрүүл мэндийн салбарын тулгамдсан асуудал болох хорт хавдрыг бууруулах, урьдчилан сэргиийлэх, хорт хавдартай хүүхдүүдийн эцэг эхэд сэтгэл зүйн тусламж үзүүлэх зорилготой “LIFE MATTERS” төсөл, Тусгай хэрэгцээт иргэдийн нийгэм дэх тэгш бус байдлыг тэргэнцэртэй сэлэмний спортоор нийгэмд таниулж, тэгш бус байдлыг бууруулах зорилготой “ТЭРГЭНЦЭРТЭЙ БААТРУУД” төсөл, Байгаль экологийн тэнцвэрт байдлыг хадгалах, тэр дундаа Улаанбаатар хотын цэвэр усны хангамжийн гол бүрдэл болох Туул голын цэвэр цэнгэг байдалд гол нөлөө үзүүлдэг зэвэг загасыг үржүүлэн туул голд тавих зорилготой “САЯ ЗАГАС” төслүүд мөн номинац тус бүрдээ шилдгийн шилдэг гурван төслийн нэгээр шалгарлаа.
Тус амжилтууд нь JCI Монгол байгууллагын гишүүдийн олон жилийн хүч хөдөлмөрийн үр дүнд бий болсон бөгөөд Монгол Улсаа дэлхийд сурталчлан таниулсан нэгэн чухал үйл ядвал болсон байна.

Эх сурвалж http://www.info.mn


URL:

Сэтгэгдэл бичих