70 кг хар тамхи тээвэрлэсэн Б.Баттүшиг нарыг ӨНӨӨДӨР шүүнэ

1w1489qlowc0.bild_-810x500ХБНГУ-ын Дрезден хотод 70 кг хар тамхи дипломат машинаар тээвэрлэж яваад баригдсан Б.Баттүшиг, С.Эрдэнэбаяр нарыг шүүх хурлын хоёр дахь хэлэлцүүлэг өнөөдөр /2019.12.09/ болох тов гарчээ.

Шүүх хурлын эхний хэлэлцүүлэг Дрезден хотын тойргийн шүүхэд арваннэгдүгээр сарын 18-ны өдөр эхэлсэн юм. Шүүх хуралдааны үеэр хэрэгт холбогдогч Б.Баттүшиг “Би тагнуулын ажилтан, Тухайн үед нууц ажиллагаа явуулж байсан” гэх утгатай мэдүүлэг өгсөн талаар “Bild” сэтгүүл мэдээлсэн билээ.

Хэргийг сануулахад, энэ оны тавдугаар сарын 03-ны өдөр Б.Баттүшиг болон С.Эрдэнэбаяр нар дипломат албаны Мерседес Бенц маркийн автомашинаар 70 кг хар тамхи тээвэрлэж яваад баригдсан юм. Монгол Улсаас Истанбул хотод суугаа Ерөнхий консулын газрын дэд консул Б.Баттүшиг, жолооч С.Эрдэнэбаяр нарийг Дрезден хотын цагдаагийн газар цагдан хорьсон билээ.  Тус бүр нь 500 граммаар боосон 140 багц хар тамхины ханш гурван сая евро болж байсан юм.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.