Буяны ажилд оролцож байсан иргэд хоолны хордлого авчээ

25a2d3d4818648773e0517fc99ac66d9_x3Энэ сарын 12-нд Өвөрхангай аймгийн Арвайхээр сумын Бүсийн оношилгоо эмчилгээний төвд хоолны хордлогын сэжигтэй тохиолдол бүртгэгдэж 16 хүн ханджээ.

Тодруулбал, тэд мөн өдөр V  багийн нутаг дэвсгэрт болсон буяны ажилд оролцсон байна. Хоолны хордлогын улмаас нэг хүн эрчимт эмчилгээний тасагт, 15 хүн халдвартын тасагт хэвтэн эмчлүүлж байгаа аж. Мөн энэ сарын 13-нд Өмнөговь аймгийн Цогтцэций сумын Цагаан-Овоо багт байрлах “Ти ти жи ви коэл” ХХК-ийн хоолны газарт мөн хоолны хордлогын сэжигтэй тохиолдол бүртгэгдэж тус сумын сум дундын эмнэлэгт 10 ажилтан хэвтэн эмчлүүлж байна.

Мэргэжлийн хяналтын ерөнхий газраас хоол хүнсний түүхий эд, бүтээгдэхүүнээс дээж авч итгэмжлэгдсэн лабораторийн шинжилгээнд хамруулжээ. Одоогоор лабораторийн шинжилгээний дүн гараагүй байгаа аж.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.