Сургуулийн дотуур байрны халаалтын нам даралтын зуух дэлбэрчээ

Uuriin_zuukh_1

Дорноговь аймгийн Даланжаргалан сумын сургуулийн дотуур байрны халаалтын нам даралтын зуух өчигдөр орой дэлбэрсэн байна.

Тодруулбал, Дорноговь аймгийн Даланжаргалан сумын Цомог багийн /сумын төвд/ ерөнхий боловсролын дунд сургуулийн дотуур байрны халаалтын нам даралтын зуух нэгдүгээр сарын 09-ний 17:45 цагийн орчимд дэлбэрч, уурын зуухны барилгын баруун, зүүн, урд хэсгийн хана, дээвэрт нуралт үүссэн тухай мэдээллийг 18:45 цагт хүлээн авчээ.

Ерөнхий боловсролын дунд сургуулийн 25 багш, ажилтан, “МАК” ХХК-ийн 3 ажилтан, “Ачир” ХХК-ийн 2 ажилтан, тус аймгийн “Цахилгаан түгээх станц”-ын 2 ажилтан, нийт 32 хүний бүрэлдэхүүнтэй ажлын хэсэг барилгын дулаан дамжуулах шугам хоолойн усыг шавхах ажлыг хийж гүйцэтгэсэн тухай мэдээллийг тус сумын Засаг дарга С.Уранцэцэг аймгийн Онцгой байдлын газарт мэдээлжээ.

Эх сурвалж: ОБЕГ


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.