Самсунг гар утас хэрэглэдэг Өмнөд Солонгосын одууд хакеруудад барьцаалагджээ

8376

Сүүлийн өдрүүдэд Өмнөд Солонгосын 10 орчим алдартны гар утасны мэдээллийг хакерууд хулгайлж, их хэмжээний мөнгө төлөхгүй бол нийтэд дэлгэнэ хэмээн сүрдүүлэээд байна.

Тэд бүгд Самсунг брэндийн ухаалаг гар утас хэрэглэдэг байжээ.

Хакерууд алдартнуудын Samsung Cloud үйлчилгээнд хадгалсан гэрэл зураг, видео бичлэг, текст мессэж зэрэг агуулгуудыг гартаа оруулсан байна.

Одуудын зарим нь мөнгө төлж, хувийн мэдээллээ барьцаанаас чөлөөлсөн бол кино од Жү Жин Мо зэрэг зарим хохирогч мөнгө төлөхөөс татгалзжээ.

Үүний улмаас Жү Жин Могийн өөр нэг жүжигчинтэй солилцож байсан текст мессэжийг хакерууд ил гаргасан юм.

Тэдний мессэж сэксийн сэдэвтэй байсан нь жүжигчний нэр хүндийг унагаад байна. Өмнөд Солонгосын цагдаа нар хакеруудыг мөрдөж эхэлсэн бөгөөд мэдээллийг ямар аргаар хулгайлсныг судалж эхэлжээ.

Самсунг Электроникс компани одууд хувийн мэдээллээ алдсан явдал тус компанийн бүтээгдэхүүний алдаа доголдолтой холбоогүй, харин хохирогчид хэрэглэгчийн нэр, нууц үгээ бусдад алдсан байх магадлалтай гэж Баасан гарагт гаргасан мэдэгдэлдээ тайлбарлажээ. Тус компани бусад вэб сайтад нэвтрэхдээ Самсунгийн хэрэглэгчийн нэр, нууц үгээ ашиглахгүй байхыг хүмүүст анхааруулсан байна.

Эх сурвалж: Korea Times

Э.СЭМҮҮН, IKON.MN


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.