Харцага цолтонд хүндэтгэл үзүүлэх бөхийн барилдаан энэ сарын 26-нд болно
Монгол Улсын Харцага цолтонд хүндэтгэл үзүүлэх хүчит бөхийн барилдаан уламжлал ёсоор 2020 оны нэгдүгээр сарын 26-ны өдөр 14:00 цагт МБӨ-нд зохион байгуулагдана. Хүнсний манлай үйлдвэр “Жем Интернэшнл” компанийн нэрэмжит тус барилдаан нь сар шинийн баярын өмнөх хамгийн том сорилго барилдаан гэдгээрээ онцлогтой. Энэ жилийн өнгийг тодорхойлох ирэх жилийн чансааг харуулах үзүүштэй энэхүү барилдаанд Харцага цолтнууддаа хүндэтгэл үзүүлэхээр улс аймгийн алдар цолтой 256 бөх зодоглох юм.
Бөх сонирхогч үзэгч түмний тэсэн ядан хүлээдэг нэр хүндтэй энэхүү барилдааныг Жем Интернэшнл компани 2006 оноос хойш 13 дахь жилдээ ивээн тэтгэж, зохион байгуулж байна. Тасалбарыг бөхийн өргөөний касс болон https://www.ticket.mn/-ээс захиалан аваарай.
URL:
