Э.Оюунболдыг Цагаан сарын барилдаанд барилдуулахгүй

e9c0cc05a99be7b660a0a8a8616758ebАрдын хувьсгалын 98 жилийн ой, Үндэсний их баяр наадмын бөхийн барилдаанд ес даван түрүүлсэн Э.Оюунболдоос допингийн дөрвөн төрлийн бодис илэрсэн тухай мэдээлэл гарсан билээ.

Иймд Э.Оюунболдын аваргын цолыг хүчингүй болгож, барилдах эрхийг хоёр жилээр хасах шийдвэрийг Баяр наадмыг зохион байгуулах хорооноос гаргаж, Ерөнхийлөгчид саналаа хүргүүлсэн. Гэвч тэрбээр саяхан хэвлэлд ярилцлага өгөхдөө “Цагаан сарын барилдаанд зодоглоно” гэсэн бөгөөд энэ талаар МҮБХ-ны дэд тэргүүн, Монгол Улсын заан Ц.Магалжаваас албан ёсны тодруулга авахад “Тийм зүйл ярьсан байна билээ. Гэхдээ Баяр наадмыг зохион байгуулах хороо түүний барилдах эрхийг хоёр жилээр хассан шүү дээ. Энэ дүрмээ дагана” гэсэн юм.

Мөн цахим мэдээллээр өндөр цолтой олон бөхийг допинг хэрэглэсэн гэсэн мэдээлэл гарсан. Тиймээс энэ тухай лавлахад “Авлигатай тэмцэх газраас эхнээс нь шалгаж байгаа юм билээ. Би ч сайн ойлголтгүй явна. Сэтгүүлч та нар шиг сураг төдий л байна” гэв. Иймд энэ тухай мэдээлэл тун удахгүй Авлигатай тэмцэх газраас гарах биз ээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.