Бээжинд эрүүл мэндийн аюулын түгшүүр зарлав

712-15798539465e2aa9a0ea5a5БНХАУ-ын нийслэл Бээжин хотын Эрүүл мэндийн хороо коронавирусний халдвар тархсантай холбогдуулан нийгмийн эрүүл мэндэд учирч буй аюулын эсрэг хамгийн дээд түвшинд хариу арга хэмжээ эхлүүлснээ баасан гарагт Бээжингийн цагаар 14:00 цагт зарлав.

Бээжин хотын Эрүүл мэндийн хорооноос мэдээлснээр, нийслэл хотод өвчний тархалтыг таслан зогсоох онцгой арга хэмжээг яаралтай авна. Одоогийн байдлаар Бээжинд шинэ вирусээр үүсгэгдсэн уушгины хатгалгаагаар 29 хүн өвчилсөн бөгөөд тэдний нэгийнх нь биеийн байдал хүнд байгаа аж.
Өвчин тархах эрсдэлтэй байгаатай холбогдуулан Бээжинд соёлын томоохон байгууллагуудыг хааж, Хаврын баярыг тохиолдуулан зохион байгуулахаар төлөвлөсөн байсан олон нийтийн арга хэмжээнүүдийг цуцалсан юм.
Хамгийн дээд түвшинд хариу арга хэмжээг мөн “2019-nCoV” коронавурисний халдварын голомт болох Ухань хот оршдог Хубэй мужид зарлажээ.
Д.Жаргал
Эх сурвалж: Монцамэ агентлаг

URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.