Коронавирусээр халдварласан 3996 хүн эдгэрч, 1016 иргэн нас бараад байна

1_Medical-staff-transfer-a-patient-of-a-suspected-case-of-a-new-coronavirus-at-the-Prince-of-Wales-HosБНХАУ-ын Хубэй мужид шинэ төрлийн “2019-nCoV” коронавирусээр халдварласан 3996 хүн эдгэрч, эмнэлгээс гарлаа гэж тус улсын Эрүүл мэндийн хороо мэдээлжээ.

Эмч нарын мэдээлснээр, коронавирусний халдвар авсан нийт хүний тоо 42638, нас барсан хүний тоо 108-аар нэмэгдэж, 1016 болсон байна. БНХАУ-ын Хубэй мужийн Ухань хотод уушгины хатгалгаа өвчин дэгдсэн тухай тус улсын эрх баригчид 2019 оны 12 дугаар сарын 31-нд Дэлхийн эрүүл мэндийн байгууллагад /ДЭМБ/ мэдээлжээ.

Уг өвчнийг үүсгэгч “2019-nCoV” коронавирус болохыг мэргэжилтнүүд тогтоосон юм. Шинэ коронавирусний халдварын тохиолдол БНХАУ-аас гадна 24 улсад илэрсэн бөгөөд үүнтэй холбоотойгоор ДЭМБ олон улсын хэмжээнд онцгой байдал зарласан.
МОНЦАМЭ

URL:

Сэтгэгдэл бичих