“Лион” талбайдаа “Ювентус”-ыг хожлоо

15827722285e573004dc3aaЕвропын Хөлбөмбөгийн холбооны хамгийн нэр хүндтэй тэмцээн болох Аваргуудын лигийн 1/8 шигшээн эхний тоглолтууд болж өндөрлөлөө.  Энэ шатанд Францын “Лион” клуб талбайдаа Италийн аварга “Ювентус”-ыг хүлээж авч, эхний тоглолтоо хийсэн юм.

Энэ тоглолтод “Лион” өрсөлдөгчөө 1:0-ээр буулгаж авч, гэнэтийн бэлэг барилаа. Уг нь “Ювентус”-ыг хоёр тоглолтод илүүрхэж, шөвгийн наймд шалгарна гэж олон хүн таамаглаж байсан. Гэвч “Лион” тийм ч амархан “боорцог” биш гэдгээ харуулав. Тоглолтын 31 дэх минутад Тузар гоолдож, багтаа ялалт авчирсан.

Хоёр багийн хариу тоглолт “Ювентус”-ын талбайд болно. Тиймээс аль нэг багт нь давуу тал байгаа гэж хэлэхэд хэцүү юм. Ямар ч байсан “Лион” талбайдаа гоол алдалгүй хариу тоглолтоо хийхээр боллоо.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.