Ховор ургамалд тооцогдох хонин арц тээвэрлэж явсныг илрүүлжээ

61

Ховор ургамалд тооцогдох 16 шуудай хонин арц тээвэрлэн явсан зөрчлийг Цагдаагийн байгууллагад шилжүүлжээ.

Тодруулбал, Гүнтийн авто тээврийн Шалган нэвтрүүлэх товчоогоор 2020 оны гуравдугаар 22-ны өдөр иргэн С нь ховор ургамалд тооцогдох 16 шуудай хонин арц тээвэрлэн явсныг албаныхан илрүүлжээ.

Уг зөрчлийг саатуулан Чингэлтэй дүүргийн Цагдаагийн хоёрдугаар хэлтэст хүлээлгэж өгсөн байна.

Хонин арц нь 1995 оны дөрөвдүгээр сарын 11-ний өдөр батлагдсан Байгалийн ургамлын тухай Монгол Улсын хуулийн хавсралтаар Нэн ховор ургамлын жагсаалтын наймд бичигдсэн байдаг билээ.

НМХГ


URL: