Ханхүү Гарри эхнэр хайж байна
Prince Harry and Lady Louise Windsor The Wedding of Prince William and Catherine Middleton – Parliament SquareDepartures London, England – 29.04.11 Mandatory Credit: WENN.com Mandatory Credit: WENN.com
Их Британийн ханхүү Гарри “Хааны гэр бүлийн гишүүдийн хувьд эхнэр хайх нь романтик алхам гэхээсээ илүүтэй ажил, үүрэг юм” хэмээн АНУ-ын “CBS” сувгаар мэдэгджээ.
Тэрбээр илэн далангүй ярилцлагын үеэр “Би 27 нас хүрлээ. Одоо би эхнэрийн дүрд тохирох бүсгүйг бус харин энэ үүрэг, хариуцлагыг үүрэхэд бэлэн эмэгтэйг л хайж байна” хэмээн ярьжээ.
Гарри Латин Америкийн орнуудаар аялахдаа Африкийн хүүхдүүдэд тусалж, “Sentebale” буяны байгууллагад зориулан мөнгө цуглуулсан байна. Тэрбээр уг санг ханхүү Лесото Сиисогийн хамт 2006 онд байгуулжээ.
“Бидний нэр төр ямар нэг зүйлийг бодитоор өөрчлөхөд тусалж байгааг ах бид хоёр аажмаар ухаарсан. “Sentebale” /Бүү март/ гэдэг нь хүүхдүүдийг, мөн өөрсдийн ээжийг бүү мартаарай гэсэн үг. Яагаад гэвэл Сиисо бид хоёр багадаа ээжээсээ хагацсан. Ээж маань /Диана гүнж/ буяны үйлсэд идэвхтэй зүтгэдэг байсан нь одоо ч надад урам зориг өгдөг. Би багаасаа чадах хүндээ туслах ёстойг ойлгосон юм” хэмээн Гарри дурсчээ.
Ярилцлагын үеэр Гарри “Ах бид хоёр энгийн хүмүүс шиг байхыг хүсдэг ч энэ хорвоод мэндлэхдээ л өөрсдийн байр суурийг өвлөн авснаа ухаардаг. Иймээс түүндээ зохицох ёстой” хэмээн ярьжээ. Гарри эмэгтэйчүүдтэй удаан холбоотой байдаггүй. Харин таван жил Челси Дэйвитэй үерхэж байгаад 2009 онд харьцаагаа тасалсан юм.
URL: