Дуудлагын жолооч нэрээр бусдын автомашиныг дээрэмджээ

Баянгол дүүргийн нутаг дэвсгэрт автомашинаа дээрэмдүүлсэн гэх дуудлага 2025 оны 1-р сарын 25-ны өдөр Цагдаагийн байгууллагад бүртгэгджээ.

Жолооч согтсон үед нь дуудлагын жолооч гэх 20 орчим насны хүн нүд рүү нь нулимс асгаруулагч цацаж, машинаас чирж буулган Тоёота приус-20 машиныг нь дээрэмдсэн байна. Цагдаагийнхан гэм буруутай байж болзошгүй этгээдийг олж тогтоон, мөрдөн шалгах ажиллагааг үргэлжлүүлж байна.

Иймд иргэдийг шөнө оройн цагаар дуудлагын жолооч болон такси үйлчилгээний найдвартай байгууллагад хандан үйлчлүүлэхийг Цагдаагийн байгууллагаас анхаарууллаа.