Төрд зүтгэх гэж байгаа бол ядаж сонгууль өгч, цэрэгт явсан уу

Орон нутгийн сонгуу­лийн тухай хуульд “Сон­гууль өгөөгүй бол төрд  ажил­­луулахгүй” гэсэн  заал­­т оруулсан. Гэтэл УИХ дахь МАН-ын ги­шүүд  эсэргүүцсээр бай­гаад  энэ заалтыг ха­суулчихлаа. Уг нь их хэ­рэгтэй заалт  байсан юм. Төр байгуулалцаагүй бай­ж төрд ажиллана гэ­дэг инээдэмтэй хэрэг. Нэг үгээр хэлбэл сонгуульд саналаа өгдөггүй  хүн яаж төрд зүтгэж чадах билээ.

Цэргийн алба хааж үзээгүй хүн ч мөн ял­гаа­гүй. Тэгэхээр цэргийн ал­ба хаагаагүй хүнийг  ч төрд ажиллуулахгүй гэсэн заалтыг  энэ хуульд дав­хар суулгаж өгмөөр бай­гаа  юм. Цэрэг эрс Монгол Улсын аюулгүй байдлыг хамгаалдаг.

Тэгвэл  Монгол Улсын иргэн тусгаар тогтнолоо хамгаалахын тулд сон­гууль өгч төрөө байгуу­лалцдаг юм. Тий­мээс цэр­гийн алба, сонгуульд са­на­­лаа өгөх хоёрыг   адилт­гаж үзэх учиртай. Ядаж цэр­­гийн алба хаасан, сон­­­­гууль өгдөг хүн төрд зүтгэх нүүртэй  байх ёс­той. Ингэж байж иргэдийн  хариуцлага  нэмэгдэнэ. Тэгэхгүй бол хашаатай хониноосоо  ялгагдах юм алга.  Харин төрд зүтгэж буй  хүмүүстээ хувьцааны ноогдол ашиг гэх мэтийн дэм өгч бас дэмжих тог­толцоо бий болгох учир­тай.   Дэмжиж болсон юм дараа нь хариуцлага нэ­хэ­­хэд асуудалгүй шүү дээ. Энэ нийгэмд ингэж  хариуцлагаа мэддэггүй  хүмүүсийг  хашаатай хо­ниноос ялгаатай болгоё.

Г.ДЭЛГЭРЦЭЦЭГ


URL:

Сэтгэгдэл бичих