“Оюу Толгой”-гэрээг сайжруулах саналаасаа буцсан З.Энхболд Б.Бат-Эрдэнэ аваргаас зугтаж байна

Оюутолгойн гэрээнд өөрчлөлт оруулах шаардлагатай юу үгүй юу гэсэн асуудал С.Ганбаатар, С.Баярцогт хоёрын мэтгэлцээн ч байтугай ард түмний хоорондох мэтгэлцээн болоод байна. Оюутолгойн 71 хувь нь Монголд, 29 хувь нь л Оюутолгойд ашигтай гээд л сурталчилаад эхэлсэн. Үүнийг нь зарим хүн хараад нээрээ ч тийм юм уу гэж бодож байхад нөгөө нэг нь үлгэрийн далай гэж дүгнэж байгаа. Төрийн төлөө оготно боож үхэхийн үлгэрээр жирийн бид хэдэнтээ муудалцаад ч хэрэг алга.

Ер нь бол Оюутолгойн гэрээг өөрчлөх эсэхийг УИХ мэднэ. 76 гишүүн үүнийг хэрхэн дүгнэж байгаа вэ гэвэл Б.Бат-Эрдэнэ аварга, С.Ганбаатар тэргүүтэй хэдхэн гишүүн Оюутолгойн гэрээг ашиггүй хэмээн үзэж байгаа. Харин эрх баригч АН-ынхан бүхнийг хүчээр зохицуулаад, гэрээ ашигтай гээд оюутолгойн гэрээнд нэмэлт өөрчлөлт оруулахыг цуцалчихсан. Тиймээс бид гэрээ ашиггүй гэдгийг мэдээд өөрчилье гэсэн ч чадахгүй. Уг нь цагтаа МАН-ыг эрх баригч хүчин байхад л Оюутолгойн гэрээнд нэмэлт өөрчлөлт оруулах шаардлагатай, ашиггүй гэрээ хэмээн хэсэг гишүүд хашгирч л байсан.

Түүнд нь Б.Бат-эрдэнэ, С.Эрдэнэ нараас гадна одоогийн УИХ-ын дарга З.Энхболд ч байлаа. Одоо харин АН-ынхан төрийн эрхэнд гарч, З.Энхболд УИХ-ын дарга болоод яагаад Оюутолгойн гэрээнд өөрчлөлт оруулахгүй байна вэ. З.Энхболд Б.Бат-Эрдэнэ нар санаа нийлэн гэрээнд өөрчлөлт оруулна гээд хамтдаа явдаг байсан ч одоо З.Энхболд тэнгэрийн амьтан болчихоод Б.Бат-эрдэнэ аварга маань ганцаардаж явна. Тэр ч бүү хэл Б.Бат-Эрдэнэ энэ асуудлаар УИХ-ын даргатай уулзах гэсэн ч З.Энхболд олдохгүй, тойрч зугтаагаад байгаа гэсэн шүү.

 

С.Сарнай


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.