Хилчдийн морийг хулгайлахыг завджээ

Хилийн 0285 дугаар ангийн хариуцсан хэсгээр энэ сарын 20-21-нд шилжих шөнө ОХУ-ын талаас үл таних хүмүүс хил зөрчин  орж ирснийг тогтоов. Хил зөрчигчид хилийн харуулын байрнаас 50 метрт аргамжаатай байсан  таван морийг хулгайлахаар завдсан байна.

Тэдний үйлдлийг манааны бүрэлдэхүүн таслан зогсоожээ. Хил зөрчигч нь ОХУ-ын Тува улсын Мөнгөн тайга хошууны Кызыл-Каяа тосгоны иргэн Тактак Алик Романович, Кертек Урамол Кара-Олович, Комраржав Мерген Килерович нар болохыг тогтоосон байна.
Эх сурвалж: “Нийгмийн Толь”