“Барселона” анхны хожигдлоо хүлээв

ssЛа лигийн 20 дугаар тойргийн тоглолтын хүрээнд Испанийн Донастиа Сан Себастиан хотноо “Реал Сосиедад”-ын эсрэг “Барселона” талбайд гарлаа.

Тоглолтын эхнээс л “Барса” санаачилгыг гартаа авч ердөө 25 минут өнгөрч байхад 2:0-ээр тэргүүлж байлаа. Гэвч эхний үе дуусахаас өмнө Кастро багтаа хэрэгтэй нэг гоол оруулж тооны харьцааг 2:1 болгосон. Харин хоёрдугаар үед тоглолтын үр дүн эсрэгээрээ эргэсэн. Тоглолтын 56 дахь минутад “Барса”-гийн гол хамгаалагчдын нэг Пике талбайг чөлөөлснөөр тэдний хамгаалалт суларсан юм. Үүнийг ашиглан Кастро 63 дахь минутад гоолдож, тоог тэнцүүлсэн. Улмаар тоглолтын 90+1 минутад Агирретше “Сосьедад”-д хожлын гоолыг авчирсан юм. Ийнхүү сүүлийн үед хожигдол гэдгийг бараг мартаад байсан каталоны нэр төр анхны ялагдлаа амсав. “Барса”-гийн хувьд Испанийн эзэн хааны баг “Реал Мадрид”-тай тэнцсэнийг эс тооцвол хожигдоогүй. Бас авбал зохих нийт онооноос 55-ыг нь авсан. Харин энэ удаа нэг ч оноо салгаж чадсангүй.

Эх сурвалж:Үндэсний шуудан


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.