Дуртайд хүчтэй гэнэ үү?

Дургүйд хүчгүй гэдэг үг байдаг даа. Тэгвэл сүүлийн үед залууст элдэв нэгээрээ хэлүүлээд байгаа “Гурван охин” хамтлагийнханд үүний эсрэг дуртайд хүчтэй гэдэг зарчим үйлчилдэг хэмээн хамтлагийн ахлагч Д.Солонго нэгэнтээ ам алджээ.

Сэтгэл санаа зорилго хүсэл мөрөөдлөө нэгтгэж чадсан болохоор урлаг уран сайхан хамгийн дуртай зүйлийнх нь нэгдүгээрт тавигддаг гэж хэлэх гэсэн хэрэг байх л даа.

Гэхдээ охин насаа гээж аль хэдийнэ нас биед хүрсэн гэдгээ ухамсарлаж жаахан бодлоготой ярихгүй бол дуртайд хүчтэй гэдэг үгийг чинь мушгин гуйвуулчих хүн захаас аваад бий байх шүү. Хамтлагийнхаа нэрийг сольж чадахгүйгээс хойш ядаж ярьж хэлж байгаараа ч болохнээ насанд хүрсэн гэдгээ мэдмээр юм, бүсгүйчүүд минь.