Хараагүй эрэгтэйг мөргөж 2500 төгрөг өгөөд зугтжээ

Хараагүйчүүдийн байрны ойролцоо өчигдөр 17-88 УБМ улсын дугаартай “Toyota Chaser” маркийн автомашины жолооч Ж.Отгонбаяр ухрах үйлдэл хийхдээ 52 настай хараагүй эрэгтэй Я-г гэмтээжээ. Жолооч түүнийг мөргөнгүүтээ босгож 2500 төгрөг атгуулаад, улсын дугаараа худлаа хэлээд зугтсаныг Замын цагдаагийнхан цаг алдалгүй илрүүлсэн байна. Харин Ж.Отгонбаяр хараагүй эрэгтэйг мөргөснөө хүлээсэн бөгөөд санамсаргүй байдлаас болсон хэмээн тайлбарлажээ.