Мексик эр дэлхийн толгой баян хэвээр

2013030608t“Форбес” сэтгүүл дэл­хийн хамгийн баян хү­мүүсийн жагсаалтаа ши­нэч­лэн гаргалаа. Мек­сикийн мэдээллийн тех­нологийн магнат гэгддэг Карлос Слим 73 тэрбум ам.доллартайгаар жаг­саал­тын эхэнд дахин би­чигд­жээ. Хоёрт “Майкро­Софт”-ын үүсгэн байгуу­лагч Билл Гейтс сүүлийн хэдэн жилийн турш буяны үйлсэд багагүй хөрөнгө зарцуулж байгаа ч 67 тэр­бум ам.доллараар хоёрду­гаар байраа алдсангүй. Харин гандан бууршгүй санхүүч өвгөн Уоррен Баффет өөрийн хөрөнгөө жилийн дотор 10 тэрбу­маар өсгөж чадсан ч 2000 оноос хойш анх удаа жаг­саалтын эхний гуравт ор­сонгүй. Хашир санхүүч “ердөө” 53.5 тэрбум ам.дол­лартай аж. Түүний өмнө “Зара” салбар дэл­гүү­рүүдийн эзэн, хөрөнгөө ганцхан жилийн дотор 20 тэрбумаар нэмэгдүүлэн 57 тэрбумд хүргэсэн Ис­панийн иргэн Амансио Ортега гишгэсэн байна.

“Форбес” сэтгүүлийн тэрбумтнуудын жагсаал­тад энэ жил 1426 хүн багт­сан аж. Хамгийн олон буюу 442 тэрбумтан АНУ-д бүртгэгдсэн бол удаах байранд 122 тэрбумтантай БНХАУ, 110 тэрбумтантай ОХУ тус тус оржээ. Хор­воогийн хамгийн залуу баян Д.Московиц 28 нас­тай бол удам дамжсан тэр­бумтан Д.Рокфеллер 98 нас хүрээд байгаа юм.

Түүнчлэн дэлхийн хам­гийн баян зуун хүний дотор 14 эмэгтэй багтжээ. Тэдний хөрөнгө 10-30 тэр­бум ам.долларын хооронд хэлбэлзэж байгаа бөгөөд дундаж нас нь 66 аж. Хам­гийн баян эмэгтэй бол өдгөө 90 настай Францын иргэн Лилиан Беттанкур юм. Тэрээр 30 тэрбум ам.долларын хөрөнгөөрөө дэлхийн ТОП-10 хүний эг­нээнд багтдаг бөгөөд гоо сайхны “L’Oreal” ком­панийг эзэмшдэг ажээ.

Энэ алдартай ком­панийг түүний эцэг үүсгэн байгуулсан юм. Тэгээд өөд болохдоо бүх хөрөнгөө цорын ганц охиндоо өв­лүүлсэн байна. Альц­геймерийн өвчин туссан Лилиан Беттанкур биз­несийн бүх удирдлагаа 25 настай ач хүү Жан-Виктор Мейерт шилжүүлээд удаа­гүй билээ. Жан-Виктор Мейер муугүй бизнесмен болохоо харуулж эмээ­гийнхээ хөрөнгийг хурдан өсгөж, 1999 оноос хойш анх удаа дахин дэлхийн хамгийн баян эмэгтэй болгоод байна.

Түүнээс хоёрхон тэр­бум ам.доллараар дутуу Кристи Уолтон АНУ-ын хамгийн баян эмэгтэй хэвээр үлдлээ. 58 настай Кристи Уолтоны “Wall-Mart” дэлгүүрийн сүлжээг эзэмшигч нөхөр нь 2005 онд онгоцны ослоор амь үрэгдсэн ба өөрт ногдох бүх хөрөнгөө эхнэртээ гэ­рээслэсэн байжээ. Ер нь дэлхийн хамгийн баян эмэгтэйчүүд өөрсдийн сүй­хээгээр бус гэрээс­лэлийн ачаар баяждаг нь цөөнгүй гэнэ.


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.