Энэтхэгт хонгилын нурангид гацсан барилгачдыг эсэн мэнд гаргажээ
Хималайд гүүр барих ажлын үеэр хонгил нурж, гарах гарцгүй олон хоносон барилгачдыг аврах ажиллагаа амжилттай дуусчээ. Энэ талаар ВВС агентлаг мэдээлсэн байна.
Эх сурвалжийн мэдээлснээр, 11 дүгээр сарын 28-ны өдрийн 15:30 (Улаанбаатарын цагаар 23:30 цагт) 41 барилгачныг нурангиас эсэн мэнд гаргасан гэж Уттаракханд мужийн Засгийн газар мэдэгджээ. Барилгачид 17 өдрийн туршид нурангин дор байсны эцэст ийнхүү аврагдаж байгаа юм.
Хэдийгээр нуранги болж, барилгачид гарах газаргүй болсон ч ойролцоогоор хоёр километр урттай, 8,5 метр өндөртэй хэсэг зайд барилгачид гацсан тул хэн нэгэн гэмтэж бэртээгүй байна. Тэднийг аврах ажил осол болсон өдрөөс л эхэлсэн бөгөөд газрын бүтцээс шалтгаалж өрөмдлөгийн ажилд хүндрэл учирж, энэ хугацаанд хонгил руу оруулсан хоолойгоор барилгачдыг хоол хүнс, хүчилтөрөгч, усаар хангаж байжээ.
Г.Бямбасүрэн
URL:
