Буцалсан усны эрлэг

“Шинэ-Үе” продакшнаар овоглож явсан жүжигчин Ц.Алдармаа мэргэжил нэгт эгч Д.Оюунтуултай халуун буцалсан ус цацалцаж, олон нийтийн дунд нэр хүндээ алдсан. Эмэгтэй хүн тэр тусмаа эх хүн байж ийм аймшигтай үйлдэл гаргасан хоёр бүсгүй хэн хэндээ буруу өгсөн. Гэсэн хэдий ч арай их ус цацаж хүний гоо сайханд хор учруулснаараа Алдармаагийн 100 хувь буруу болсон.

Царай зүс сайтайн дээр өв тэгш бие хаатай сайхан бүсгүй гэж үзэгчид дуу нэгтэйгээр гар өргөдөг байсан ч одоо бол ааш авиртайн дээр уурын мунхгаас болж өөрийнхөө ч өрөөлийн амьдралд ч хар толбо үлдээсэн гэж харах болжээ.

Харин тус хэргээс хойш нам жимхэн амьдарч байсан тэрээр “Хөөрхөн шулам” уран сайхны киногоор эргэн ирсэн нь үзэгчдэд эргээд өөрийгөө өөр өнцгөөс харуулахыг хичээсэн. Уран бүтээлийн хувьд зогсонги байдалд байгаа тэрээр саяхан нээлтээ хийсэн “Үүр цайгаасай” киноны нээлт дээр хүрэлцэн ирсэн юм.