Саудын Араб газрын тос олборлолтоо мөддөө сэргээж чадахгүй

6139

Саудын Арабын газрын тос олборлох байгууламж өнгөрсөн бямба гаригт халдлагад өртөж, олборлолт нь үлэмж буурснаас газрын тосны үнэ ханш өсөөд байгаа билээ. Тэгвэл Саудын Араб улс олборлолтоо мөддөө хэвийн хэмжээнд хүргэж чадахгүй гэсэн мэдээлэл өнөөдөр цацагдлаа. Халдлагад өртсөн объектыг сэргээн засварлахад хагас жилийн хугацаа, хэдэн зуун сая ам.долларын хөрөнгө оруулалт шаардагдана гэж тус улсын газрын тосыг Европт нийлүүлдэг РБК компанийн эх сурвалж мэдэгдсэн байна. “Олборлолтыг долоо хоногийн дотор сэргээж чадахгүй бол ханш баррель тутамдаа 15-20 ам.доллараар өснө. Харин цаашид урт хугацаанд үргэлжилбэл гурван оронтой тоонд ч хүрэх магадлалтай” гэж тэрээр өгүүлжээ.

Бямба гаригийн халдлагыг Иранаас үйлдсэн гэж АНУ буруутгаж байгаа. Хэдий тийм ч Ерөнхийлөгч Д.Трамп “АНУ Саудын Арабт “Хамгаална” гэж амлаагүй” гэсэн мэдэгдлийг өнөөдөр хийлээ. Харин ОХУ-ын Ерөнхийлөгч В.Путин газрын тосны байгууламжуудаа халдлагаас хамгаалахад нь зориулж Саудын Арабт пуужингаас эсэргүүцэн хамгаалах зориулалттай зэвсэг техник нийлүүлэхэд бэлэн гэдгээ илэрхийлжээ.

Х.Батсайхан

Еаgle.mn


URL:

Сэтгэгдэл бичих