Нийслэл рүү 103 тээврийн хэрэгслээр 3206,06тн түүхий нүүрс оруулахыг завджээ

2wmm4Монгол Улсын Засгийн газрын 62 дугаар тогтоолын хэрэгжилтийг хангуулах ажлын хүрээнд Нийслэлийн Мэргэжлийн хяналтын газар, Цагдаагийн Ерөнхий газрын Нийтийн хэв журмыг хамгаалах, олон нийтийн аюулгүй байдлыг хангах албаны Хүрээлэн буй орчны хяналтын хэлтсийн алба хаагчидтай хамтран Автотээврийн шалган нэвтрүүлэх товчоогоор 2019 оны 05 дугаар сарын 15-ны өдрөөс 2019 оны 10 дугаар сарын 16-ны өдрийн байдлаар нийт 103 тээврийн хэрэгслээр 3206,06тн түүхий нүүрс орж ирсэнийг хяналт шалгалтаар илрүүлэн буцаасан байна. Тухайлбал:

  • 2019 оны 10 дугаар сарын 1-ны өдөр 0546-УНЦ улсын дугаартай Хино маркийн тээврийн хэрэгсэл, 6607 АЧ улсын дугаартай чиргүүлтэй тээврийн хэрэгсэлээр Багануур дүүрэгээс Сэлэнгэ аймгийн Сайхан сум чиглэлд 22тн 450кг түүхий нүүрс ачиж өлзийт1 шалган нэвтрүүлэх товчоогоор 16:20 цагт орж ирснийг шалган буцаалаа.
  • 10 дугаар сарын 15-ны өдрийн 18 цагийн орчим Сонгинохайрхан дүүргийн Эмээлтэд байрлах автотээврийн шалган нэвтрүүлэх товчоогоор Өвөрхангай аймгаас Улаанбаатрын чиглэлд явсан 4446 УБН улсын дугаартай автобусанд 5 шуудай түүхий нүүрс тээвэрлэн явсан зөрчлийг хяналт шалгалтаар илрүүлэн ажиллалаа.
  • 10 дугаар сарын 15-ны өдрийн 12 цаг 30 минутад Гүнтийн давааны автотээврийн шалган нэвтрүүлэх товчоогоор 3366 УБХ улсын дугаартай Tundra маркын суудлын автомашинаар 5 шуудай түүхий нүүрс тээвэрлэн нэвтрүүлэх гэж байсан зөрчлийг арилгуулан буцаав.
  • 9 дүгээр сарын 21-ны өдөр Өлзийт-1 автотээврийн шалган нэвтрүүлэх товчоогоор 4267 УНЗ улсын дугаартай тээврийн хэрэгсэлээр зөвшөөрөлгуй 100 гаран кг туухий нуурс тээвэрлэж явсныг саатуулж, нэвтрүүлэлгүй буцаалаа.
  • 9 дүгээр сарын 3-ний өдөр Таван толгойн автотээврийн шалган нэвтрүүлэх товчоогоор 7027 БНХ улсын дугаартай Шувуунаас Баянхонгор аймгийн чиглэлд явсан тээврийн хэрэгсэлийг шалгаж 2 тонн түүхий нүүрс тээвэрлэн явсныг илрүүлж, Засгийн газрын 62 дугаар тогтоолтой танилцуулж тухайн түүхий нүүрсийг авсан газарт буцаан буулгуулж арга хэмжээ авч ажиллалаа.
  • 9 дүгээр сарын 3-ны өдөр Таван толгойн автотээврийн шалган нэвтрүүлэх товчоогоор 7801 УНР улсыйн дугаартай тээврийн хэрэгсэлээр Говьсүмбэр аймгийн хөөтийн уурхайгаас ачсан 20 тонн зөвшөөрөлгүй түүхий нүүрс тээвэрлэн орж ирсэнийг буцаах арга хэмжээ авч ажиллалаа.
  • 10 дугаар сарын 2-нд Өлзийт1 автотээврийн шалган нэвтрүүлэх товчоогоор 0183 УБЕ улсын дугаартай, Норд Бенц маркийн тээврийн хэрэгсэл, 0188 улсын дугаартай чиргүүлтэй, Элдэвийн нүүрсний уурхайгаас Төв аймгийн Баянчандмань ногоон зоорь чиглэлд зөвшөөрөлгүй 18.75т.н түүхий нүүрс тээвэрлэж явсаныг хяналт шалгалтаар илрүүлэн буцаалаа.
  • 10 дугаар сарын 14-ны өдөр Өлзийт-1 автотээврийн шалган нэвтрүүлэх товчоогоор Төв аймгийн Лүн сумын чиглэлд 6547 УБА улсын дугаартай Fuso маркийн тээврийн хэрэгсэл 10 шуудай түүхий нүүрс зохих зөвшөөрөлгүйгээр тээвэрлэж явсныг нэвтрүүлэлгүй буцаажээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.