Үндэсний хуримтлалын банктай болно

181779_5q1828t4pn1ljcra92i61ct6cq_x974

Монголын бизнесс эрхлэгч эмэгтэйчүүдийн холбооноос иргэн бүр өдөр тутмын хэрэглээний үр ашиггүй зардлаа хэмнэснээр хуримтлал үүсгэж, хөрөнгө оруулагч болгох үүднээс “Хэмнэлт ба хуримтлал” бүх ард түмний хөдөлгөөнийг өрнүүлж эхэлжээ. Тэд үүгээрээ Монгол Улсын эдийн засгийг хямралаас гаргах, ядуурлыг бууруулах, өрхийн орлогыг нэмэгдүүлж, жижиг дунд бизнес эрхлэгчдийг хүү бага, урт хугацаатай эргэлтийн хөрөнгөөр тогтвортой хангаж, эдийн засгийн өсөлтийг хангахад хувь нэмрээ оруулахыг бүх нийтэд уриалав.

Тус холбооны орон нутаг хариуцсан дэд тэргүүн С.Долгорханд “Бизнес эмэгтэйчүүд маань банкнаас өндөр хүү, богино хугацаатай зээл авчихаад дараа нь банк бус санхүүгийн байгууллагын зээлээр нөхдөг байлаа. Өнөөдөр өдрийн зээлэнд хамрагдан дампуурч, сүүлдээ мөнгө хүүлэгчдийг тэтгэдэг болжээ. Тиймээс хоёр жилийн хугацаанд банк байгуулах зорилготой “3000 төгрөг” аяныг эхлүүлж байна. Нэг хүн өдөрт 3000 төгрөг хэмнэх юм бол жилд 1.080.000 төгрөгийн хуримтлалтай болно. Манай холбооноос 1000-2000 хүнийг хамруулсан аян өрнүүлбэл хоёр жилийн дотор банк байгуулах бүрэн боломжтой гэсэн судалгааг хийсний үндсэн дээр орон даяар зохион байгуулахаар нээлтээ хийж байгаа юм. Банкны хөрөнгө оруулагч болсон нөхцөлд амьдрал баталгаажиж, дараа нь ногдол ашиг авна.

Та бидний хуримтлуулсан мөнгө хоёр жилийн дотор ард түмэнд үйлчлэх, ядуурлаас гарах банк бий болгоно гэж найдаж байна” гэж хэллээ. Хуримтлалаа банктай байгуулсан гэрээний дагуу дансанд байршуулж, ирэх оны хоёрдугаар сарын 4 хүртэл зарцуулалт хийхгүй бөгөөд ногдол ашгийн хуваарилалтаар урамшуулал олгох юм.

М.ЖАВЗАНПАГМА unen.mn


URL:

Нэр: Bank Огноо: 12 February 2018

Яг энэ үйл ажиллагаанд зориулаад Хадгаламж зээлиййн хоршоогэж юм байдаг л юм даа

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.