Сэтгэцэд нөлөөт бодисыг хадгалсан гэх хэрэгт шалгагдаж байхдаа гадаад руу явсан Г-г хил дээр саатуулжээ
Олон Улсын Эрүүгийн цагдаагийн байгууллага Интерполын “Хөх булант” зар мэдээгээр эрэн сурвалжлагдаж байсан Монгол Улсын иргэн “Г”-г холбогдох хууль тогтоомжийн хүрээнд энэ сарын 17-ны өдөр Монгол Улсын хилээр нэвтрэх үед нь саатуулжээ.
Одоо мөрдөн шалгах ажиллагааг үргэлжлүүлэн явуулж байгааг цагдаагийн байгууллагаас мэдээллээ.
Уг этгээд нь “Шувуу” ажиллагааны хүрээнд эрэн сурвалжлагдаж байгаа гэмт хэрэгт сэрдэгдсэн этгээдүүдийн жагсаалтад багтсан ба мансууруулах эм, сэтгэцэд нөлөөт бодисыг худалдаалах зорилгогүйгээр хууль бусаар хадгалсан гэх хэрэгт холбогдон шалгагдаж байхдаа мөрдөн шалгах ажиллагаанд саад учруулж, гадаад улс руу зорчсон байжээ.
URL:
