Камерон Диаз хуримлажээ

Холливуудын сайхан бүсгүйчүүдийн нэг өдгөө 42 настай шаргал үст Камерон Диаз, Бенжи Мадден нар даваа гараг буюу өнгөрсөн шөнө Беверли Хиллз дахь гэртээ нууцаар хуримаа хийж оройн зоог зохион байгуулсан байна.

Тэд хуримын ёслолын талаар нууцалж байсан хэдий ч хуримаа хийснээс хэдхэн цагийн дараа энэ талаар шуугьж эхэлсэн аж. Хосуудын хуримд ойрын төрөл садан, найз нөхөд гэх мэт 100 гаруй зочин оролцсон гэнэ.

Камерон Диаз, Бенжи Мадден нар өнгөрсөн хавраас болзож эхэлсэн бөгөөд долоон сарын дараа сүй тавьж, хагас сарын дараа хуримлаж байгаа нь энэ юм.