Поп хатагтай Сараа экс нөхөртэйгээ “эргэн нийллээ”

Зууны манлай дуучин, МУГЖ поп хатагтай Б.Сарантуяа экс нөхөр дуучин Н.Ганхуяг нар “эргэн нийлэх”-ээр болжээ. Тодруулбал, Монголын хөгжмийн урлагийн томоохон төлөөлөгч, алдарт “Хөх тэнгэр” хамтлаг үүсэн байгуулагдсны 25 жилийн ойг тохиолдуулан хамтлагийн анхны бүрэлдэхүүнээрээ энэ сарын 19-нд тоглолтоо хийхээр болсон байна.

Уг тоглолтод Зууны манлай дуучин, МУГЖ Б.Сарантуяа, дуучин Н.Ганхуяг нар хамтран ажиллахаар болжээ.  Мөн МУГЖ Б.Дашдондог, МУУГЗ, хөгжимчин, хөгжмийн зохиолч Г.Энхбаяр, МУУГЗ хөгжимчин, хөгжмийн зохиолч Г.Пүрэвдорж, хөгжимчин, хамтлагийн ахлагч Н.Ганбат, гитарчин, ая зохиогч Д.Өлзий-Орших, гитарчин Г.Буян-Өлзий, хөгжимчин Н.Халиун, бөмбөрчин Ж.Золбоо нарын шилдгүүд тус тоглолтод оролцож,  хуучны сэтгэлд шингэсэн аялгуут дуунуудаа эгшиглүүлэх ажээ.

Сонирхуулахад,  дуучин Б.Сарантуяа өөрийн анхны нөхөр дуучин Н.Ганхуягийнхаа талаар нэгэн нэвтрүүлэгт ярьсан байдаг.  Тэрбээр хэлэхдээ “Би дуучин Н.Ганхуягтай хамт амьдарч байсан нь үнэн. Одоо бол бид сайн найзууд. Надад гэр бүлийнхэн нь маш их таалагддаг. Маш сайхан гэр бүл. Н.Ганхуяг бид хоёр хэсэг хугацаанд хамт амьдарч байсан, гэхдээ хүүхэдтэй болоогүй. Зарим хүмүүс намайг Ганхуягийн хүүхдийг төрүүлсэн гэж андуурдаг юм билээ” хэмээн хуучилсан байдаг.

www.mnews.mn