ЗХЖШ-ын дэд дарга Б.Баярмагнайг ажлаас нь чөлөөллөө

Батлан хамгаалахын сайдын зөвлөл өнгөрсөн баасан гаригт хуралдаж, Зэвсэгт хүчний жанжин штабын /ЗХЖШ/ дэд дарга, хошууч генерал Б.Баярмагнайг үүрэгт ажлаас нь чөлөөлсөн байна.

Тодруулбал, тэрбээр НҮБ-ын цэргийн хүчний секторын командлагчийн шалгуурт тэнцсэн учраас ийнхүү чөлөөлсөн гэж эх сурвалж мэдээллээ. Харин түүний оронд хэнийг томилох эсэх нь одоогоор тодорхойгүй. БХЯ болон ЗХЖШ-ын дарга нар өөрсдийнхөө хүнийг шургуулахаар ярилцаж байгаа гэнэ.

Харин зарим эх сурвалж, штабын Ерөнхий зориулалтын цэргийн командлагч, бригадын генерал Р.Сүхбат болох магадлалтай гэлээ. Мөн түүнээс гадна ЗХЖШ-ын дарга асан, дэслэгч генерал Ц.Бямбажав, Зэвсэгт хүчний Ерөнхий хянан шалгагч, бригадын генерал П.Доржсүрэн нарын нэр хүчтэй яригдаж байгаа аж.

Б.Чимэг


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.