Морь дагаж машинаараа уралддаг дарга нарт зориулж зам барих уу

“Монгол наадам цогцолбор” ОНӨТҮГ болон “Монголын морин спорт уяачдын холбоо” хамтран ажиллахаар боллоо.

31744

Санамж бичгийн гол зорилго нь Хүй долоон худагт уламжлалт болон сонгомол морин уралдааныг хөгжүүлэх, морин тойруулгын үйл ажиллагааг явуулахад хамтран ажиллах, Үндэсний баяр наадам, олон нийтийг хамарсан баярын үеэр байгалийн гамшиг болоход нийтийн аюулгүй байдлыг хангах, уяачдын гэрийн буйр, хурдан морьны бэлчээрийг хамгаалах, наадамчин олон болон хурдан моридыг ундны усаар хангах, наадмын үеэр морьтой үзэгчдийн наадам үзэх бололцоог бий болгох, МНЦ-оос хийж хэрэгжүүлж буй олон нийтийг хамарсан баяр наадам болон бусад үйл ажиллагааг уяачдад сурталчлан таниулах, мэдээллийг түгээх, оролцоогоор хангах аж.

Энэ үеэр “Монгол наадам цогцолбор” ОНӨТҮГ-ын дарга Н.Батсүмбэрэл сэтгүүлчдийн асуултанд хариулахдаа ингэж хэлэв.

“Монгол наадам цогцолбор” ОНӨТҮГ-ын дарга Н.Батсүмбэрэл ”Бидэнд тулгардаг нэг асуудал нь морины уралдааны үеэр машин явахад их тоос босдог. Энэ асуудлыг харгалзан үзээд уралдааны замын хажуугаар засмал зам барих үүнийг цаашид өөр олон тэмцээн, уралдаан, холын зайн гүйлт зэрэгт ашиглаж болохоор хийх ажлыг төлөвлөж байна.

Хүй долоон худгийг жилийн дөрвөн улирлын ажиллагаатай болгох, аялал жуулчлалын чиглэлд ашиглах зэргээр үйл ажиллагааг нь тэлэх тал дээр ажиллана” гэлээ.

Нийслэл хотын иргэд явган хүний замгүй шахам хотод амьдарч байхад жилдээ ганц удаа морь уралддаг газарт зам барих талаар ярьж байгаа нь бодит амьдарлтай хэр нийцэх бол. Наадмын өдрүүдэд том жийптэй дарга нар морь дагаж машинаараа уралддаг. Тиймээс энэ зам тавигдвал зөвхөн дарга нар л зорчих зам болох нь ойлгомжтой.


URL:

Нэр: Mongol Огноо: 18 June 2018

Mori dagaj uralddag yos haanaas garaad irev dee hotiinhoo zamiig oligtoi zasaj chadahgui bj uhernuud

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.