30 жилийн турш хоолныхоо үнийг нэг ч удаа нэмээгүй ‘эмээгийн’ цайны газар

7b7428c8d2fd0ad62fad2a38ba0fbf03Энэтхэгийн өмнөд хэсэгт байрлах Коимбаторе хотод амьдардаг Камалаатхааль эдүгээ 80 настай аж. Тэрбээр сүүлийн 30 гаруй жил хоолны мухлаг ажиллуулж байгаа бөгөөд ойролцоох оршин суугчдад амтат будааны бялуугаа (энэтхэгчүүдийн өглөөний цайндаа голдуу иддэг idly хэмээх хоол) ердөө нэг рупигээр худалддаг аж. Доллар руу шилжүүлбэл энэ нь нэг цент ч хүрэхгүй үнэтэй гэсэн үг юм. Үүгээр ч зогсохгүй будааны бялууг сэвэг зармын шөл (sambhar), кокостой сүмс үнэгүй дагалддаг аж.

Оршин суугчид өөр газраас будааны бялуу авч идвэл 17 рупи (21 цент) төлдөг бөгөөд цагийн дараа л өлсөж эхэлдэг хэмээн ярьжээ. Харин Камалаатхааль эмээгийн мухлагийн хоол хямд бөгөөд өег байдаг тул үйлчлүүлэгчид нь сэтгэл хангалуун, баяртай байдаг гэв.

Тэрбээр хоолны мухлаг ажиллуулж эхэлснээс хойш үнээ нэг ч удаагүй нэмээгүй бөгөөд “Би будааны бялуугаа үхэн үхтлээ нэг рупигээр зарна. Үнээ өөрчлөхгүй” гэж ярьжээ. Камалаатхааль өдөр бүр 300 рипигээр хоолны бүтээгдэхүүнээ авдаг ба өдрийн орлого нь 500 орчим рупи байдаг гэнэ. Тиймээс тэрбээр бага ч гэсэн ашиг олж чаддаг гэжээ.

Эх сурвалж: BBC

URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.