Дорнод аймгийн нутагт 14 удаа баавгай орж иржээ

baawgaiМонгол Улсын хэмжээнд Хэнтий, Төв, Сэлэнгэ зэрэг аймгуудаар баавгай орж ирсэн тохиолдлууд бүртгэгдсэн. Дорнод аймгийн сумдын нутгаар 2019 оны есдүгээр сарын 15-ны өдрөөс хойш 14 удаа баавгай орж ирсэн тохиолдол гараад байгаа юм.

Тодруулбал, Дашбалбар суманд нэг, Баяндун суманд хоёр, Баян-Уул суманд 11 удаагийн давтамжтай баавгай орж ирсэн мэдээлэл бүртгэгджээ. Эдгээр тохиолдлуудаас 12 баавгайг үргээж хөөсөн бөгөөд зориулалтын тороор зөөж тусгай хамгаалалттай газарт тавьсан байна.

Мөн нэг баавгай нь эргэн ой руугаа буцсан бол нэг баавгайг агнасан байна. Энэ асуудалтай холбогдуулан өчигдөр аймгийн Онцгой комисс хуралдав. Мэргэжлийн байгууллагуудын дүгнэлтээр баавгай нь турж эцсэн, малын сэг зэмээр хооллож мал руу дайрч байгаагаас үзэхэд идэш тэжээлийн хомсдолд орсон байх магадлалтай гэж үзэж байгаа юм.

eguur.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.