Үл ойлголцлын бай болсон “энтре гоулд”

2013030104tБ.БАРС

РойтерсагентлагийнманайулсдахьсурвалжлагчТ.Эдвардсиймнийтлэлбичжээ.

Монголын Засгийн газар Оюутолгойн зэс, алтны уурхайтай шууд бусаар холбоотой “Энтре Гоулд” компанийн лицен­зийг хууль зөрчин олгосон хэмээн хүчингүй болгох талаар мэдэгдсэн. Энэ нь тус улсын Засгийн газар “Рио Тинто” групптэй хийх ээлжит яриа хэлэл­цээний өмнөхөн болсон нь анхаарал татаж байна. Энэ алхмаараа Монгол Улс дэлхийн уул уурхайн гурван том халимны нэг болох “Рио Тинто”-той шууд сөргөлдөж эхэлснээ харуулж байх шиг.

Үүнээс өмнө Мон­голын Засгийн газар “Рио Тинто”-гийн Оюутолгойн төслийн хэрэгжилтийн талаар хэд хэдэн гомдол гаргасан билээ.  Тэдгээр гомдлыг “Рио Тинто” хүлээж авах боломжгүйгээ ч удаа дараа мэдэгдсэн. Ер нь хоёр талын сөргөлдөөн аль аль талдаа багагүй хор уршиг тарих талтай  юм. Оюутолгой нь Монголын нийт эдийн засгийн гу­равны нэгийг эзлэх төсөл. Нөгөөтэйгүүр, алдагдал­тай ажиллах болсон “Рио Тинто”-д шархаа нөхөх цөөн боломжуудын нэг нь чухам Оюутолгой.

Өнгөрсөн долоо хоногт Монголын Уул уурхайн яам мэдэгдэл гаргаж, “Оюу­толгой” болон “Энтре Гоулд”-ын эзэмш­дэг Шивээ толгой, Жавх­лант дахь хайгуулын ли­цен­зийг олборлох лиценз болгосон 2009 оны шийд­вэрийг хүчингүй болгос­ноо зарласан юм.

Тэдгээр олборлолтын лицензийн 20 хувийг “Энтре Гоулд” эзэмшдэг бол “Оюутолгой” үлдсэн 80 хувьд эзэн сууж байжээ.

“Энтре Гоулд”-ын Торонтогийн хөрөнгийн бирж дахь төлөөлөгч мэдээ­лэхдээ, “Одоогоор манай компани Мон­голын Засгийн газрын зохих бай­гууллагуудаас лицензийн талаархи мэ­дээлэл, мэдэгдэл аваагүй” гэв.

Ирэх зургадугаар сард анхны бүтээгдэхүүнээ гар­гахаар төлөвлөсөн Оюу­толгойн уурхайн талаар шийдэгдээгүй олон асуудал дээр лиценз тойрсон энэхүү дуулиан нэмэгдлээ.

“Рио Тинто” Мон­голын Засгийн газартай байгуулсан гэрээнд ямар нэг өөрчлөлт оруулахгүй байх хатуу байр суурьтай байгаа бөгөөд үл ойлгол­цол шийдэгдтэл Оюутол­гойн зэсийг эргэлтэнд оруулахгүй гэсэн билээ.

Цагаан сарын баярын өмнөхөн буюу хоёрдугаар сарын 8-нд болсон эхний уулзалтын үеэр Сангийн сайд Ч. Улаан Оюутолгойн уурхай 2012 онд улсад ямар ч татвар төлөөгүй гэсэн бол “Рио Тинто” үүнийг эсэргүүцэн 2010 онд 250 сая ам.доллар шил­жүүлэн татварыг урьдчилж төлсөн гэж мэдэгдсэн билээ.

Татварын асуудлаас гадна Монголын тал Оюу­толгойн төсөл хэрэгжүүлэх гэрээ ёсоор 6.2 тэрбум ам.долларт багтах учиртай ч хэдийн долоон тэрбум ам.доллар давсанд шүүмж­лэлтэй хандаж бай­гаа юм. Зардал төлөв­лөснөөс илүү гарснаар Монголын талын хүртэх ашиг үлэмж багасах төлөвтэй.

Нөгөөтэйгүүр, Монгол Улс болон “Рио Тинто”-гийн сөргөлдөөнд айсуй Ерөнхийлөгчийн сонгууль нөлөөлж буй. Сонгогчдыг татахын тулд нэр дэв­шиг­чид Оюутолгойгоос илүү их ашиг авахыг амлах магадлал их.

Эдийн засагч К.Мак­дугал­лын онож хэлснээр хоёр талын сөргөлдөөн сонгуулийг дуустал үргэлжлэх төлөвтэй.

/Зууны Мэдээ/


URL:

Сэтгэгдэл бичих