М.Болдбаатар: Сурагчдын амралт ирэх долоо хоногт эхэлнэ

Удахгүй сурагчдын I улирлын амралт эхлэх гэж байна. Энэ талаар Нийслэлийн боловсролын газрын Хэвлэл мэдээлэл, олон нийттэй харилцах албаны мэргэжилтэн М.Болдбаатараас тодрууллаа.

-Сурагчдын нэгдүгээр улирлын амралт хэднээс эхлэх вэ?

-Улсын хэмжээнд ерөнхий боловсролын сургуулийн I-II анги энэ сарын 27-ноос ирэх сарын 9-нийг хүртэл 14, III-XII анги ирэх сарын 3-9-нийг хүртэл долоо хоног амарна.

Өнгөрсөн жил Улаанбаатар хот болон хөдөө орон нутагт сурагчдын амралт ялгаатай байсан бол энэ жил улс даяар ижил хугацаанд амарна. Мөн нийслэлийн эцэг эхчүүдийн холбооны анхдугаар чуулганаас хүйтний улиралд амрал­тын хугацааг сунгах хү­сэлт гаргасан.

Олон ний­тийн санал асуулгаар ч эцэг эхчүүдийн 70-аас дээш хувь нь хүйтний улиралд хүүх­дүүдээ аль болох олон хоног амраах санал гар­гас­ныг хүндэтгэн үзэж II улирлын амралтыг I-V анги арванхоёрдугаар сарын 22-ноос нэгдүгээр сарын 25, VI-IX анги нэг­дүгээр сарын 5-25, X-XII анги нэгдүгээр сарын 12-25-ныг хүртэл амарна.

Харин хөдөөгийн сурагчдын ам­рал­тыг мал төллөх үеэр тааруулж, эцэг эх­дээ туслах боломжийг нь бүрдүүлэх үүднээс ам­рал­тын хуваарьт зарим өөрч­­лөлтийг оруулсан байгаа.

-Тодруулбал?

-Хөдөө орон нутгийн I-V анги нэгдүгээр сарын 12-ноос хоёрдугаар сарын 1, VI-IX анги нэгдүгээр сарын 12-25, X-XII ан­ги нэгдүгээр сарын 12-18-ныг хүртэл амарна.

III улирлын амрал­таар нийслэлийн I-XII ангийн хүүхдүүд гурав­дугаар сарын 29-нөөс дөрөв­дүгээр сарын 4, орон нутгийн I-V анги гуравдугаар сарын 29-нөөс дөрөвдүгээр сарын 12, VI-IX анги гурав­дугаар сарын 29-нөөс дөрөв­дүгээр сарын 4, X-XII анги гуравдугаар сарын 16-29-нийг хүртэл амрах юм.

Б.Мөнхбаяр

Эх сурвалж: “Зууны мэдээ” сонин