Цаазын ял бол шагнаснаас өөрцгүй

Энэ амралтын өдрүүдэд нэгэн жигжүүрт хэрэг гарч, нийгэм, сошиал даяар шуугиж, цаазын ялыг сэргээх талаар бичицгээж эхэллээ. Тодруулбал тавхан настай цэцэг цэврүү шиг бяцхан охиныг хүчирхийлсэн бузар эрийн хэрэг нийгэм даяар үзэн ядуулж, бухимдуулж байна.

Улаан махны хэрэг үйлдсэн хүнийг ялын дээдээр шийтгэх нь зөв. Гэхдээ цаазаар авах ял биш. Цаазаар авах ял хэдий төрөөс ногдуулж буй ялын дээд хэмжээ ч хэрэг үйлдсэн хүнд бол хоромхон зуурын л шийтгэл.  Цаазаар авах арга улс оронд өөр өөр,  тухайлбал ихэнхдээ Дүүжлэх, Буудах, Толгой цавчих, Хорт тариа, Хорт хий гэхчлэн хэдхэн минутын л ял. Хэрэв манайд цаазын ял сэргээгдвэл буудах хувилбарыг л сонгох байх.

Шууд буудаж ална гэдэг бол бараг шагнаснаас өөрцгүй. Гэмт хэрэгтэн хийсэн хэргийнхээ төлөөсийг насаараа харамсаж, сэтгэл санаа болон биеэрээ шийтгэлээ эдлэх ёстой. Мэдээж хүчирхийлэгч, жигшүүрт хэрэг хийсэн гэмтнийг үзэн ядахгүй хэн байгаан. Насаар нь гянданд зовоох хэрэгтэй. Хүмүүс татварын мөнгөөр тэжээлээ гэдийн. Тэр алуурчдыг ажил хийлгэдэг гэж сонссон.

Тэр мөнгөөр нь талийгаачдын ар гэрийнхнийг насаар нь тэжээх ёстой. Манай гяндангийн нөхцөл муу. Тэнд хүн 5 жил болоход эрүүл биегүй болж 10-15 жил болоход амьд сүг болдог гэж сонссын байна. Тэгж зовоох нь зөв. Дахин хэлэхэд цаазын ял бол толгойг нь илснээс өөрцгүй шүү.

Fact.mn