Дэлхийн шатрын олимпиадын түргэн тоглолтын тэмцээнд С.Ган-од түрүүллээ

Дэлхийн шатрын 42 дугаар олимпиад Азербайжан улсын Баку хотод үргэлжилж байна. Шатрын хамгийн том тэмцээн болох тус олимпиадад оролцож буй ДШХМ С.Ган-Од  түргэн тоглолтын тэмцээнд түрүүллээ.

Дэлхийн шатрын олимпиадын долдугаар тойргийн тоглолтод Монголын эрэгтэй баг топ есдүгээр ширээнд Ираны багтай өрсөлдөж, 3.5:0.5-аар ялагдлаа. Харин эмэгтэй баг Казакстаны багийг 3:1-ээр хожсон юм. Өнөөдөр наймдугаар тойрогт Монголын эмэгтэй баг топ долдугаар ширээнд дэлхийн шилдгүүдтэй зэрэгцэн Германы багтай хүч үзнэ. Эрэгтэй баг Дани улсын багтай учраа таарчээ.

eagle.mn