BIGBANG хөвгүүдийн хамтлаг гишүүдийн цэргийн алба хаасны улмаас дөрвөн жил завсарласны дараа энэ хавар К-поп тайзнаа эргэн ирнэ гэж тус хамтлагийн удирдлагын агентлаг даваа гарагт мэдэгдсэн талаар yonhap agency мэдээллээ.

“BIGBANG ирэх хавар шинэ дуу гаргах болно” гэж YG Entertainment хэвлэлийнхэнд мэдэгджээ. Хамтлагийнхан шинэ дууныхаа хоолойны бичлэгийг дуусгаад дууныхаа клипний зураг авалтыг хийх гэж байна” гэв.

Харин хамтлагийн эргэн ирэх огноо болон шинэ дууны нэр тодорхойгүй хэвээр байна.

2006 онд таван гишүүнтэй дебютээ хийсэн BIGBANG хамтлаг “Lies,” “Last Farewell,” “Fantastic Baby” and “Bang Bang Bang, зэрэг хэд хэдэн хит дуунуудаа гаргаж, Ази тивийн тэргүүн эгнээнд бичигдсэн юм.

Гэсэн хэдий ч хамтлагийн дөрвөн гишүүн болох TOP, G-Dragon, Taeyang, Daesung нар цэргийн албанд татагдсан тул дөрвөн жилийн турш завсарласан байна. Өмнөд Солонгосын хөдөлмөрийн чадвартай бүх эрчүүд хоёр жил орчим албадан алба хаах ёстой байдаг ажээ.

Гэвч хамтлагийн гишүүн Seungri шөнийн клуб хар тамхи, бэлгийн хүчирхийллийн хэргээр шалгагдаж, хамтлаг болон YG Entertainment-аас хасагдсан байна. Тэрээр өнгөрсөн оны наймдугаар сард биеэ үнэлэхэд зуучилсан, гадаадад мөрийтэй тоглоом тоглосон зэрэг есөн хэргээр гурван жилийн хорих ял сонсоод одоо цэргийн хорих ангид ял эдэлж байгаа юм.

2017 онд хар тамхи татсан хэргээр тэнсэн харгалзах ял авсан тус хамтлагийн гол реппер TOP одоохондоо хөгжмийн ертөнцөөс хол байх төлөвтэй байна.

YG хамтлагаа эргэн ирсний дараа удахгүй агентлагтай байгуулсан гэрээгээ цуцалж, уран бүтээлч, бизнесмен болох боломжуудыг судлах болно гэжээ.

“Бид түүнийг зөвхөн BIGBANG-ийн гишүүний хувиар бус өөрийн хувийн үйл ажиллагааны цар хүрээг өргөжүүлэхийг хүсч байгаа гэсэн бодлыг нь хүндэтгэхээр шийдсэн бөгөөд энэ асуудлыг бусад гишүүдтэй сайн ярилцсан” гэж компаниас мэдэгдэв. “Тэр боломжтой бол хэзээ ч BIGBANG-ийн үйл ажиллагаанд оролцох болно.” гэсэн байна.