Ялалтын баярын парадад жагссан цэргүүдийг шагнав

ОХУ-ын Москва хотын Улаанталбайд өнгөрсөн тавдугаар сарын 9-нд Аугаа эх орны ялалтын 70 жилийн ой, БНХАУ-ын Бээжин хотод өнгөрсөн есдүгээр сарын 03-нд Чөлөөлөх дайны ялалтын 70 жилийн ойн парад болж өнгөрсөн.

Парадад эх орноо төлөөлөн оролцож, Монгол цэргийн сүр хүч, залуу хүний цог золбоог гайхуулсан бүрэлдэхүүнийг МЗХ-ны тэргүүн дээд шагналаар шагнаж урамшууллаа.

ОХУ, БНХАУ-д болсон цэргийн ёслолын арга хэмжээнд 18-40 хүртэлх насны нийт 120 гаруй залуус оролцсноос өнөөдөр нийслэлийн цэргийн хүрээний 40 алба хаагч шагналаа хүлээн авсан байна.