Гэр хорооллын 206 өрхийг инженерийн шугамтай холбоно

 “Дэд бүтцийн төв”-ийн төсөл хэрэгжүүлэх 16 байршлыг баталсан. Эдгээрийн нэг болох Сүхбаатар дүүргийн 18 хорооны нутаг дэвсгэрт баригдах Дэд бүтцийн төвийн барилга угсралтын ажил эхэлсэн байна.  Тус Дэд бүтцийн төвийн барилга угсралтын ажлын сонгон шалгаруулалтыг Барилга, хот байгуулалтын яамнаас зарлан, “Эй жи зэт”  ХХК шалгарч, 17.3 га газарт 206 нэгж талбарт инженерийн хангамжаар хангах ажлыг хийж хэрэгжүүлэхээр болжээ. Мөн жишиг гудамж, авто болон явган зам, ногоон байгууламж, гэрэлтүүлэг, камержуулалт иж бүрэн хийгдэх гэнэ.