ДЭМБ: Дэлхийн хүн амын 2/3 нь шинэ төрлийн титэм вирусээр халдварлаж болзошгүй

2_b (1)Өнөөгийн нөхцөл байдал таагүйгээр эргэвэл COVID-19 шинэ төрлийн титэм вирусийн халдварыг дэлхийн нийт хүн амын гуравны хоёр хүртэлх хувь нь авч болзошгүй гэнэ. Ийм таамаглалыг Дэлхийн эрүүл мэндийн байгууллагын дэргэдэх зөвлөх Айру Лонжини дэвшүүлжээ.

Флоридагийн их сургуулийн халдварт өвчний статистикийн төвийг тэргүүлдэг Лонжинигийн өгүүлснээр, өвчний тархалтыг хөл хорио сааруулж магадгүй гэнэ. Гэвч БНХАУ-ын олон бүс нутагт вирус нэвтэрсэн хойно Хятадад хөл хорих арга хэмжээ авсан нь тархалтын цар хүрээг нэмэгдүүлсэн гэж тэрбээр үзэж байгаа аж.

Лонжинигийн гаргасан загварчлал нь халдвар авсан хүн бүр хоёр эсвэл гурван хүнд халдвар тараах боломжтой гэсэн энгийн нөхцлөөр тооцсон мэдээлэл дээр суурилсан байна. Энэ үзүүлэлтийг хоёр дахин бууруулж тооцсон ч Дэлхийн оршин суугчдын гуравны нэг нь халдвар авах эрсдэлтэй гэж Лонжини анхааруулжээ.

Г.Бямбасүрэн

Shuud.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.