Таван аваргын нэрэмжит барилдаанд Н.Батсуурь, О.Хангай нар зодоглож байна

Булган аймагт 17 дугаар жарны модон Луу жилийн сар шинийн баярт зориулсан таван аваргын нэрэмжит үндэсний бөхийн барилдаан болж байна.

Энэ барилдаанд даян аварга Н.Батсуурь, аварга О.Хангай, харцага О.Мөнх-Эрдэнэ, начин Д.Амарсайхан, Д.Амаржаргал, Б.Даваа-Очир, Х.Цогтгэрэл, Б.Түмэндэмбэрэл, Э.Сумъяабат, Э.Энх-Амгалан, Б.Түвшинтөгс, аймгийн арслан Ө.Сүхбат, Б.Гантөмөр тэргүүтэй 128 бөх барилдаж байна.

Улсын цолтой 11 бөх зодоглосон энэ барилдаанд аймгийн арслан 11, аймаг, цэргийн заан дөрөв, аймгийн харцага дөрөв, аймгийн начин есөн бөх бүртгүүлжээ.

Гэрэл зургийг Ч.Ганбат