Гудамжинд шингэн шоколад асгарчээ

Германы Верль хотын гудамжинд нэг тонн шингэн шоколад асгарснаас болж зорчих зам дээр 10 хавтгай дөрвөлжин метр талбайг эзлэн урсжээ. Тус хотод үйл ажиллагаа явуулдаг чихрийн үйлдвэрт осол гарснаар энэ явдал болсон гэнэ. Шингэн шоколад үйлдвэрийн хана дагуу гудамж руу урсан гарч ирж, зам дээр лаглайн царцжээ.

Дуудлагаар хотын онцгой байдлын албаныхан шуурхай ирсэн аж. Тэд хэдэн цагийн туршид энэхүү байдалтай хүрз барин тэмцэж, халуун усаар хайлуулж, хийн халаагууруудыг хүртэл ашиглажээ. Чихрийн үйлдвэрийн тоног төхөөрөмжид техникийн саатал гарсны улмаас ийм явдал болсон гэнэ.