“Байгалиа хамгаалъя” нэгдсэн арга хэмжээний хүрээнд шалгалт хийлээ

Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлөөс батлагдсан Хүрээлэн буй орчны эсрэг гэмт хэргээс урьдчилан сэргийлэхэд чиглэсэн “Байгалиа хамгаалъя” нэгдсэн арга хэмжээг зохион байгуулж байгаа билээ.

Тэгвэл энэхүү аяны хүрээнд дүүргийн Мэргэжлийн хяналтын хэлтсээс дүүргийн Прокурорын газар, Цагдаагийн I хэлтсийн албан хаагчидтай хамтран дүүргийн 16 дугаар хорооны нутаг дэвсгэрт шашны эд зүйл худалдаалдаг 1 аж ахуйн нэгж, 11 иргэний үйл ажиллагаанд хяналт шалгалт хийлээ. Улмаар иргэн Ч.Б нь гарал үүслийн бичиг, дагалдах тодорхойлолтгүй 8 ширхэг чонын шагай, 15 ширхэг чонын соёо худалдаалж байсан тул түр хураан авч шинжилгээнд хамруулан, шалган шийдвэрлэхээр ажиллалаа.