“Оны шилдэг жиргээч”-ээр “Танхай эмээ” тодров

Цахим ертөнцийн шилдгүүдийг шалгаруулах ёслол 11 номинациар шилдгүүдээ шалгаруулсан.

 Хамгийн сонирхолтой  нь “Оны шилдэг жиргээч” номинаци тодруулах хэсэг байлаа. Уг номинацид 800 гаруй жиргээч нэр дэвшсэнээс, твиттерийн од  “Танхай эмээ” хамгийн олон санал  авч шилдэгээр тодорлоо.

Харамсалтай нь “Танхай эмээ” хэн болох нь одоо ч нууц хэвээрээ үлдэв. Учир нь шагналыг урлаг судлаач Б.Наранзун, Артаньяан, Аанхаа нарын зургаан залуу гарч авсан. “Бидний дунд Танхай эмээ алга. Үнэндээ гарч ирэхгүй нь тодорхой учраас бид шагнал авья гэж бодсон юм.  Танхай эмээ биднийг гараад шагналаа авчих гэлээ” хэмээн наргиан болгоод өнгөрсөн юм. Магадгүй “Танхай эмээ” хэн гэдэг нь нууц хэвээрээ үлдсэн нь дээр биз ээ.